Sükutu duy, səsi anla,demə daşlar lal yaranıb,Gör bir başı nələr çəkib,sərt qayalar sal yaranıb.

Hərəkəti olmayanınbərəkəti ola bilməz.Arı süzüb, ətir çəkibçiçəklərdən, bal yaranıb.

Üfüqlər var uçmaq üçün,ulduzlar var qucmaq üçün.Dərədə ilan sürünür,dağlara qartal yaranıb.

Yuvasına, yurduna bax,baramanın qurduna bax.Tut yarpağı sapa dönüb,atlaz olub, şal yaranıb.

Ulu tanrı, nə yaxşı ki,şairlərə ilham verib,Xəyallara qanad taxıb,qanadlı xəyal yaranıb.

Use ← → keys to move, R for a random poem

Random poem

More by this author

Poems by other poets