Oxu, bülbülüm, oxu,Canda həvəs yaxşıdı.Nəğmələrə can verən,Qaynar nəfəs yaxşıdı.

Kiminin gözündə çən,Kiminin saçında dən.Lal olub dinməməkdən,Yenə qəfəs yaxşıdı.

Dindiyin dilə qurban,Vurduğun xala qurban,Qalxdığın zilə qurban,Endiyin pəs yaxşıdı.

Torpaq qədim, yer əzəl,Gülər gül, ağlar xəzəl.Məzardan beşik gözəl,Sükutdan səs yaxşıdı!

Use ← → keys to move, R for a random poem

Random poem

More by this author

Poems by other poets · Nature and spring