Ağrıya-ağrıya şeir yazanda,Qələm də ağrıyır, varaq da, söz də.İllərin əzabı yük olur canda,Ürək də bulanır, baxış da, göz də.

Yığılır içəri sellər, tufanlar,Gözdən yaş çıxmır ki, gözə qan çıxır.Ağrılar içində əriyir anlar,Şair imtahandan, sınaqdan çıxır.

Axtarır dayazı, gəzir dərini,Tanıyır yaxşını, yamanı, bədi.Dünyanın ən böyük şairlərini,Ən böyük ağrılar şair eylədi.

2010, 9 mart

Use ← → keys to move, R for a random poem

Random poem

More by this author

Poems by other poets