Olaydı
A gül şaxı, yaşıl yarpaq açmısan,
Nə xoş olur, qönçələrin olaydı.
Açılaydı qönçələrdən güllərin,
Sənə məddah bülbüllərin olaydı.
Ətrafına cəm olarlar gözəllər,
İyləyib gülünü, axır üzəllər.
Müəttər bərginlə köksün bəzəllər
Tamaşaçı heyranların olaydı.
Şaxı gülbən olub sənə mənzilgah,
Məğrur olma yox bəqası onun, ah.
Nolar, olsun aşiq dərdindən agah,
Vəslin dilər müştaqların olaydı.
Ətri gülün bihuş edər hər kimi,
İylər onu hər kimsə ənbər kimi.
Şəqayiq, nəstərən, süsənbər kimi,
Sən şah, bular gədaların olaydı.
Keçər fəsli-bahar sənin də dövrün,
Yetər xəzan, solar rənginə sorun.
Nayab olar aşiqlərdən hüzurun,
Nə sevilib bu günlərin olaydı.
Diyari-qürbətdə gedər bülbülün,
Solar ətrafında gülü sünbülün.
Tökülər yarpağın, qalmaz heç gülün,
Sənə ağlar Şeydaların olaydı.
Kitabxana.az · https://kitabxana.az/ru/works/necefqulu-bey-seyda-olaydi
Клавиши ← → для перехода, R — случайное стихотворение
Другие произведения автора
Yoxdur aləmdə bir aşiq kim, ola kami rəva,Gər olub, aşiq degil, aşiqdir kami narəva.
Etiqadın ilə möhkəm bil yəqin ey pürxirədEtiqadın ilə möhkəm bil yəqin ey pürxirəd,Ciddü cəhd verməz səmər ta olmasa həqdən mədəd.
Sənəma! Talibdir üzünü görməgə ürəkSənəma! Talibdir üzünü görməgə ürək,Aç üzün ta ki gözəl üzünü bir an görək.
Söhbəti hal əhlinin ruhə təravət verirSöhbəti hal əhlinin ruhə təravət verir,Ruh təravətli, həm cismə zərafət verir.
Стихи других поэтов · О природе
Ey gül, səni bilməm necə ustad çəkibdir,Nəqqaş-i əzəl sünin edib yad çəkibdir.
QəzəlVahəsrəta ki, tərki-vəfa qıldı yarlər,Əfğan ki, keçdi həsrət ilə ruzigarlər.
Göydə uçan o boz quşlarGöydə uçan o boz quşlarTelin qədrini nə bilər?!
TilliBənövşə tək sünbül zülfün boy verir,Hər yuyub sərində havaya, tilli.