Qanlı fələk, neyləmişdim sənə mən,Axırda məni yüz min bəlaya saldın,Ayrı saldın vətənimdən, elimdən,Gör götürüb hardan harayə saldın

Əlindən vallahi könlüm xoş olmaz,Eylədiyin mənə yaxşı iş olmaz,Nə ata, nə ana, nə qardaş olmaz,Hamısından məni irayə saldın

Bəsdir məndən dəxi sən çək əlini,Yaman demə, qoy özünə dilini,Bir ah çəkib yandırram elini,Niyə belə məni cəfayə saldın

Tüf olsun üzünə, utan, utanmaz,Bir söz desəm kimsə ona inanmaz,Di görüm, neylədim sənə aqanmaz?Məni satlıq edib sədayə saldın

Məgər sənin yoxdur qorxun Xudadan,Nə istərsən, bilmən, mən binəvadan,Yetim qoydun məni atadan, anadan,Həm qohum-qardaşdan uzayə saldın

Kimə edim, bilmən, səndən şikayət,Mənimlən başlıyıbsan bunca ədavət,Çəkərsənmi, görən, bircə xəcalət,Məni ki nahaqdan ah-vayə saldın

Sən ki mərdləri namərd edərsən,Xalqın bir dərdin yüz dərd edərsən,İndən belə dəxi nə şərt edərsən,Sağalmaz dərdimi dəvayə saldın

Hər kəs görsə məni, divanə dir,Çoxları sevinib biganə dir,İndən sonra hamı pərvanə dir,Canımı yandırıb çirayə saldın

Şikəstəxatirin bəxti qaradır,Yürəyi sərbəsər dolu yaradır,Di görüm dərdinə bəs nə çarədir,Onun ki bəxtini qarayə saldın

Клавиши ← → для перехода, R — случайное стихотворение

Случайное стихотворение

Другие произведения автора

Стихи других поэтов