Vətənin böyüklüyü tək sərhədlə ölçülməz,Şöhrətini ucaldan uca dağlar deyildir.Vətən elə uludur, o heç zaman kiçilməz.Onu yaşadan da təkcə sağlar deyildir.Bir ölməzin adıyla yaşar bəzən bir ölkə,Bir dahinin şöhrəti xalqı ucaldar aya,Anam Azərbaycanım – dünya gəzən bir ölkəDünya xəritəsində bənzəyir bir damlaya.O damlanın içində saray-saray evim var.O damlada Üzeyirim, Səmədim, Gəncəvim var,Dünya salonlarını “Yeddi gözəl” fəth edir.Afrika səhrasını gülzara bürüməyəGülüm, çiçəyim çatar.Bütün yer kürəsini bir rəngdə geydirməyəZərif ipəyim çatar.Nəyim yoxdur bəs mənim?Yadlardan umacağım!Mənə dünya boydadır öz yurdum, öz ocağım.Nəyim yoxdur bəs mənim?Yoxdur qəmim, fəryadım!Var fərəhim, sevincim,Bəxtiyarlıqdır adım.Həm də bütün xalqlara dünya boyda hörmətim,Ehtiramım var mənimUca Kəpəzim qədər.Məsləkimə sadiqəm eşqim, nəfəsim qədər.Azərbaycan torpağı – günəş nurlu bir ölkə,Bircə damla olsam da dünya xəritəsindəŞöhrəti dünya gəzən əzəmətli diyardır!..

Клавиши ← → для перехода, R — случайное стихотворение

Случайное стихотворение

Другие произведения автора

Стихи других поэтов · О родине