Dəhrdə cəfa əlindən,Əlif qəddim kaman oldu.Əhdə bivəfa əlindən,Hər gün haray, aman oldu.

Şah başında tac yaşadı,Rəncbər əkdi, ac yaşadı;Xoş sözə möhtac yaşadı,Nə insaf, nə iman oldu.

Alı sözün dedi üzə,Kül üfürdü dövran gözə.Fələk sitəm etdi bizə,Əhvalımız yaman oldu.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Fələk və tale