Bu yolda
Şerə, sənətə könül bağladım,Ağrılar, acılar gördüm-Bu yolda.Şair müəllimlər, şair atalar,Şairə bacılar gördüm-Bu yolda.Nə qədər Peyğəmbər, nə qədər allah,Nə qədər tacidar gördüm-Bu yolda…Yanar təfəkkürlər, odlu ocaqlarTüstüsüz bacalar gördüm-Bu yolda…Qocaykən cavanlar, sağkən ölülər,Cavankən qocalar gördüm-Bu yolda…Müasir ağalar, bəylər, paşalar,Müasir hacılar gördümBu yolda…Şair qəhrəmanlar, prometeylər,Şair qaraçılar gördüm-Bu yolda…Dəmir-dümürünə qızıldır deyən,Köhnə qalayçılar gördüm-Bu yolda…Nə qədər eyhamlar, sözlər, tənələr,Nə qədər acıqlar gördüm-Bu yolda…Gum-gum gumbuldayan nağara kimi,Bom-boş harayçılar gördüm-Bu yolda…Fikri dumanlılar, sözü dadlılarÜrəyi açıqlar gördüm-Bu yolda…«Məktəb » bağlayanlar, «məktəb» açanlar,«Məktəbi» uçuqlar gördüm-Bu yolda…Meyxana küncündə dahiləşənlər,Qorxaqlar, qoçaqlar gördüm-Bu yolda…Dava-dalaş ilə şair olanlarArxalı qoçular gördüm-Bu yolda…Adicə bir sözün min-min silahdanDaha çox gücü var gördüm-Bu yolda…Şerin şahlara da nəsib olmayanBir ulu tacı var gördüm-Bu yolda!
Kitabxana.az · https://kitabxana.az/works/cabir-novruz-bu-yolda
← → düymələri ilə keçid, R — təsadüfi şeir
Müəllifin digər əsərləri
Başqa şairlərin şeirləri
Yenə fəsli-bahar olmuş məgər badi-bahar oynar,Dəyər hər ləhzə gül üzdə pərişan zülfə, tar oynar.
HanıAxşam olur, quşlar dönər yuvayaMənim dönüb qonacağım dal hanı?
Pet qəpikFəqir kasıb oldu əyaldan xəcil,Hər nəmnə dindirirsən pet qəpik
Əvvəl AllahƏvvəl Allah – imdi qüvvətHind elinin saf ürəkli ərləri!