Olmaz, olmaz
Aşiq olan eşqə düşər, dərd çəkər,Mənim kimi dərdi yüz olmaz, olmaz.Hər ağacdan sandal, hər yarpaqdan gül,Hər torpağın tamı duz olmaz, olmaz.
Sözün yeri gəldi, qoy deyim barı,Eşidənlər məni görməsin karı;Aşığın nisyəsi, namərd ilqarı,Desələr, inanma, düz olmaz, olmaz.
Zikirsiz mömini şeytan aldadar,Sayğısız iyidi düşman aldadar,Ağılsız cahili kirşan aldadar,Günü keçmiş qarı qız olmaz, olmaz.
Görməmişəm öküz yeriyə yorğa,Gədadan bəy olmaz, dəlidən darğa,Suda çimmək ilə sağsağan, qarğa,Göldə silkələnib, qaz olmaz, olmaz.
Ələsgər, sərrafsan, gövhəri tanı,Dosta qurban olsun düşmanın canı.Comərdin kisəsi, mərdlərin nanı,İnşallah, ölüncə az olmaz, olmaz.
Kitabxana.az · https://kitabxana.az/works/elesger-olmaz-olmaz
← → düymələri ilə keçid, R — təsadüfi şeir
Müəllifin digər əsərləri
Başqa şairlərin şeirləri
Əmim oğlu, məndən heç utanmadın,Üç ay keçdi bir yaylağa gəlmədin.
Dərbəndli AğabəyəEy əzizim, bu qədər raği-həmam olma,Mərdümi-qafil, tənpərvər və əyyam olma.
TəcnisQəni Mövlam, budur səndən diləkim,Gələ bir gün bu diyarə sevdiyim,
O gün kim həsrət ilə ol büti-zibadan ayrıldımO gün kim həsrət ilə ol büti-zibadan ayrıldım,Qalıb bir surəti-bihiss kimi mənadan ayrıldım.