Xudam səni nə xoş gündə yaradıb,Meylim axır sana sarı, görəndə.Həsrətindən yüz yara var sinəmdə,İnsaf eylə, birin sarı, görəndə.

Tifil tək qoynunda nara aşiqəm,Mürgi-Səməndərəm, nara aşiqəm.Çəkərəm sübhədək nara, aşiqəm,Tərlan ovlağında sarı görəndə.

Ələsgər sızıldar, bala yetişər,Nardan Səməndərə bala yetişər.Gözlərindən mana bəla yetişər,Olur gül irəngim sarı, görəndə.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Eşq