Nə bu yaşıl şamlar, nə ağcaqayınMeşə ətəyilə axan o çayınBilmir tarixini, yaşını bilmir.Üstündən fəsillər keçdikcə bir-birGah yatır. gah qalxır məcrasında o,Yabanı kolların arasında o,

Harasa harasa baş alıb gedir...Bulanıq suları boşalıb gedir...Üstündən bir insan onun keçməmiş,Əyilib suyundan kimsə içməmiş,Uzaqdan görünür itmiş iz kimi:Bütün bir dünyada xəbərsiz kimiHəmin bu kiçik çay durmadan axır.O hardan başlayır, o hardan axır,O çay hara axır? – məlum deyildir.Axır bu minvalla o neçə ildir.

Ona bənzəməsin qoy sənin ömrün,Yığışıb həyatdan köçəndə bir günDesinlər: – Bu ömrün mənası vardı,O burdan başladı, burda qurtardı!

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri