Eşitmişəm yar yanında müddəi,Deyib Sabit bu samana gəlməsin,Nə rəvadır olub zağan məskəni,Şeyda bülbül gülüstanə gəlməsin

Rəvadır sar ola tayiri-çəmən,Kərkəs gülüstanı eyləyə məskən,Bu necə yaraşır deyə Əhrimən,Asəfi-təxti-Süleymana gəlməsin

Tikan üzün sürtər gül ayağına,Xar dönər qönçənin sol və sağına,Gülçin dir öz tikdiyi bağına,Mane ol bağbana gəlməsin

Eşq atəşi candə çəkər zəbanə,Zülmət hicrdən yetişdim cana,Mümkün deyil odə yanmış pərvanə,Şəmi görüb yana yana gəlməsin

Sabit bu dəhrdə Məcnun və VamiqOlmazlar eşqdə sənə müvafiq,Təvafi-Kə'bəyə olurmu layiq,Deyə kafir müsəlmana gəlməsin

Təsadüfi şeir

Başqa şairlərin şeirləri · Eşq