Göy geyindir, göy çəmənə çıxanda,Yar çəmənə, çəmən yara yaraşsın!Bağa girsin lalə rəngli xələtdə,Səhər-səhər laləzara yaraşsın!

Xal düşməsin ürəyinə, beyninə;Qoy gəlməsin dünya qəmi eyninə;Ağ günündə ağ geyinsin əyninə,Qara gündə ona qara yaraşsın!

Ay Hüseyn! Ömrü bada vermə heç,Bu dünyanı başdan-başa dolan keç;Elə axtar, elə öyrən, elə seçSevdiyin qız hər paltara yaraşsın!

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Eşq