Dağlar
Siz ki bir-birinizdən ayrılmayan əşdiniz,Sinənizə ayrılıq dağı çəkildi, dağlar!Aya, hankı cəlladın pəncəsinə keçdiniz,Niçin böylə qəddiniz sındı, büküldü, dağlar?
Sizin ki, üzünüzdən qaralırdı çox işıq,Üstünüzdən ötməyə yol bulmazdı bir aşıq.Qaynaqlara edərkən gədikləri çarpaşıqBu gün çəlik bağrınız nədən söküldü, dağlar?
Nallarını küheylan atların qırardınız,Önünüz əngin dərə, uçurumdu ardınız.Çayların gur səsilə, üfqə hayqırardınız,Sizin öncə halınız belə deyildi, dağlar!
Ruzgarları yararkən köksünüz parça-parça,Ayrı qalırdı quşlar sıradan haftalarca,Alnınızı buludlar oxşarkən bəxtiyarca,Dik başınız önümdə nədən əyildi, dağdar?
Üst-üstdən o zaman ki, bıçaqlandı qəlbiniz,Çaylar sapdı yolundan, narə yandı qəlbiniz,Barıt dumanlarilə saçaqlandı qəlbiniz,Axırda bir mum kimi söndü, töküldü, dağlar!
İnsan oğlu – əzəldən o sinə dağlayandı,Yoxsa onun xəncəri köksünüzə dayandı?!Başınıza kül oldu, könlünüz oda yandı,Onda ki, yerinizdə raylar çəkildi, dağlar!
Kitabxana.az · https://kitabxana.az/works/musfiq-daglar
← → düymələri ilə keçid, R — təsadüfi şeir
Müəllifin digər əsərləri
Başqa şairlərin şeirləri
Canım kəklik gözüm kəklikYerişin yarıma bənzər
GörmədimAşıq Sayad Nova, Aşıq Ələsgər,Aşıq Musa, Alı, Məmməd Söyün var,
Qəzəl: Həbibim qəddi-mövzunun əlifdir dal arasındaHəbibim, qəddi-mövzunun əlifdir dal arasındaVücudun Həzrəti-Haq saxlasın iqbal arasında
Yandırdın MəniYanasan yanasan yandırdın məniSən də mənim tək yanasan könül