Mənim evdən, mənim işdən qaçanım,kimə doğru, kimə yalan deyibsən?Ziyarətin qəbul olsun, əzizim,gedib orda mənə qurban deyibsən.

Qəsd elədim mən özüm öz canıma,tək qoymadın, gəlib-getdin yanıma.Düşmənlərim susayanda qanıma,can yandırıb sən mənə “can” deyibsən.

El deyəni, el qoruyub, el tutub,köməksizi yağış döyüb, sel tutub.Atasıza ata kimi əl tutub,anasıza mənəm anan, deyibsən.

Ürək dostum, ürəyimə dəyiblər,əyilənlər əyilməzi əyiblər.Haq şairi indi kimdi deyiblər? –Çaşmayıbsan, sən Nəriman deyibsən.

İyun, 1997Şüvəlan, xəstəxana

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri