Bir türkü var canım Odlar yurdununRüzgarında, dalğasında, selində.Mən bu yurdun dönə-dönə olmuşamŞirvanında, Muğanında, Milində.

Şəhidləri güvəncidir sağların,Sayı yoxdur bağrındakı dağların,Bir məlhəm var bağçaların, bağların –Yarpağında, çiçəyində, gülündə.

Min mahala yetər onun sərvəti,Həsrətində soydaşlarla ülfəti,İllər boyu türkülənir xiffətiXəyalında, ürəyində, dilində.

Sabahına hər gün umud bağlayar,Öz əliylə öz köksünü dağlayar,Ayrılıqdan gözyaşları çağlayar –Dənizində, irmağında, gölündə.

Yağılara necə sinə gərməsin?!Doğmalara necə könül verməsin,O istər ki alçaqları görməsin –Şəhərində, obasında, elində.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Vətən