Bir yaşıl ulduza bənzər bu bahar,Qəmlidir, yalqıza bənzər bu bahar.

Alışan qönçələri nisgilidir,Gözləri yolda olan sevgilidir.

Bir gözəldir ki, gözəllər heyran,Bir gözəllik ki, umulmaz seyran.

Gözlərindən əzəli nur süzülər,Titrəyən pənbə şəfəqlərlə gülər.

Gülləri, qönçələriylə bəzənib,Xilqətin inciləriylə bəzənib.

Qəmlidir, yalqıza bənzər bu bahar,Bir gəlinlik qıza bənzər bu bahar.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Təbiət və bahar