Mənim gözəl çocuqlarım,Sevimli yavrucuqlarım.

Bilin, gözəl düşüncələrAçar könüldə qönçələr.

Qapılmayın dəcəlliyə,Könül verin gözəlliyə.

Bu yer gözəl, bu göy gözəl,Quzey gözəl, güney gözəl.

Gözəl kitabla əylənin,Gözəl şeirlər öyrənin.

Aşıb-daşınca duyğularOyansın incə qayğılar.

Gözəlliyə uyan gözəl,Gözəlliyi duyan gözəl.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri