Könlümdə, gözümdə duman durubdur,Sanıram keçməyir zaman, durubdur.

Bu qürbət aləmi dərdli bir aləm,Ömrüm uzanmışmı, nədir də, bilməm!

Böylə uzanmasın ömrü heç kəsin,Otağım eynidir soyuq məhbəsin.

Gündüz, qış günündə, necə uzanmış,Gündüzə qarışan gecə uzanmış.

Uzanmış anlar da, dəqiqələr də,Qardaşım, insanmı dözər bu dərdə?!

Ürək neyləsin ki, nə var ki əldə,Türbəti andıran bu qürbət eldə!

Yunanıstan, 1984

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri