Başına döndüyüm
Uzun illər arzusun çəkdiyim,Getmə, bəri gəl, başına döndüyüm,Mən olmuşam dərdi-hicran tapdağı,Yetir mənə əl, başına döndüyüm
Rüsva qıldı məni sövdayi-eşqin,Eşqin dəryası daşqındır, daşqın,Kələğayı gəlgər tikmə araşqın,İncə belə şal, başına döndüyüm
Bir sifariş yollamışdı yar mənə,Saldı ciyərimi odlara gənə,Narınc haşiyəli zərbaf nimtənə,Arxalığı al, başına döndüyüm
Getdi mütrib, gülşən qaldı bülbülə,Bir dərdmənd yoxdu dərdimi bilə,Qədi sərv ağacı, gərdəni minə,Al yanaqda xal, başına döndüyüm
Ala gözlər məni dərdə salubdur,Müjganların bağrım başın alubdur,Rzanın bircə canı qalubdur,Gəl onu da al, başına döndüyüm
Kitabxana.az · https://kitabxana.az/works/rza-el-sairi-basina-donduyum
← → düymələri ilə keçid, R — təsadüfi şeir
Müəllifin digər əsərləri
Başqa şairlərin şeirləri · Eşq
İxtiyar səndir, vəfalı dilbər,Mən sənin könlünə dəyən deyiləm,
Ey səba, bu ərzimi ərz etgilən cananımaEy səba, bu ərzimi ərz etgilən cananıma,Bəlkə dərman eyləyə bu dərdi-bidərmanıma.
Dərdli nəğmə(“Turan düdüyü”)**Nargin əsirlərinin dilindən*
Hay mədədÇox çalışdım, mətləbimə çatmadımArzu mənim canda qaldı, hay mədəd