Öz içimdən gecə-gündüz talandım,Kösöy olub ocaqlara qalandım,Zərrə-zərrə ömürlərə calandımBir yaddaşda izim varsa, bəsimdir!

Dünya böyük, yollarımız gen idi,Zirvələrə layla deyən gün idi.O dağlara dağlar boyda ümidim –Ürəyimdə ucalırsa, bəsimdir!

Ağ dumanlar – üstümdə ağ bayrağım,Sal qayalar – son limanım, dayağım.Yad torpaqda fəryad çəkən ayağımDağ yolunda yoxuş yorsa – bəsimdir!..

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri