Bir gözəl ki, qəsdə dura, can üzə,Ömrə-günə, qəm kəsilər, dolanar.Yar deməsə daldada “çor”, “can” üzə,Mehribandı, mehribanda dolanar.

Nola eşqim ovlayasan, çalasan,Könlüm istər al sazını, çal asan.Bu ömrümü öz ömrünə calasan,Dodaq gülər, can başına dolanar.

Yar yarını çətin gündə sınayar,Bu mən, o sən istəyirsən sına, yar.Məmmədhüseynin qıyma qəlbi sına, yar,Xəstəsiyəm, sinəm üstə dola nar.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Eşq