Ağlayıb göz yaşın leysan eyləmə,Yad dərib iyləyən gülü neynirəm?Tez doyub irzikdin niyə Hacıdan,Satılıb-alınan qulu neynirəm?

Öz yoxsulca süfrəm, halal zəhmətim,Bu süfrəmi sevən külüm-külfətim.Beyilqarla nədi mənim ülfətim,Olsa qızıl mücrüm dolu, neynirəm.

Məmmədhüseynəm, haqdan düzlük dilərəm,Əməlimlə qəmlənərəm, gülərəm.Gözü yaşlı görsəm həmən silərəm,Əyri işə gen-bol yolu neynirəm.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri