Sənə ey pədərəm bu iki sözü,At başı göndərdim Ağa Muraddan.

Neçə gündür xidmətinə gəlmirəm,Bəlkə çıxartmısan bizləri yaddan.

Könlümdə çox vəhşət, çox əza olub,Məndən bu viranə yüz cəfa olub.

Təzə kərbəlayı bivəfa olub,Doğrusu düşmüşəm mən etiqaddan.

Gənə sənə deyim, qoy bari, dərdi,Sənsən zamanənin mərdanə mərdi.

Hər çənd çəkərəm bəxtimə nərdi,Mühreyi-talım çıxmaz kəsaddan.

Gedər gülüstana xəyali-ruhun,Görəsən necə oldu məskəni-Nuhun.

Deyirlər var Qasıra lütfi Məcruhun,Həqiqət dilşadam bu quru addan.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri