Gözəllərin arasında gözəl nigarım itib,Çiçəkli, güllü bahar vaxtı ilk baharım itib.

Görünməyir gözümə, inciyib yəqin məndən,Yanında sevgilimin bəlkə etibarım itib.

Xəzinəmin varı qəlbimdədir əzəl gündən,Sözüm qalıb ürəyimdə, xəzinədarım itib.

Yadımdadır, görüşərdik, onunla sahildə,Əlimdə qalmayıb artıq bu ixtiyarım, itib.

Dözümlüyəm, dözürəm ayrılıq əzabına mən,Düşünməsin ki, rəqibim bu iqtidarım itib.

Araz boyunca gəzərkən ürəkdə dərdinlə,Haray çəkib de, Süleyman, sevimli yarım itib.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Eşq