Bəri bax
Şəninə dastan yazıram,Ay qoşa duran, bəri bax!Gürcüsən, aysorusan,Yoxsa müsəlman, bəri bax!Səf düşdüm, səbr elədim,Mələksən, insan, bəri bax!Xəstəyəm, yalvarıram,Həkimi-loğman, bəri bax!
Gəzmişəm hər mahalı,Gözəl yoxdu sən cürə, bax.Yolunda məhbus olmuşam,Gərdənində zəncirə bax,Musayisən, Tövrat oxu,İsayisən, İncilə bax.İslamısan, and verirəm,Ayeyi-quran, bəri bax!
Qaş qara, gözlər ala,Yanaqların xalına bax.Danışır şirin-şirin,Ləblərinin balına bax.Oynayıb-gülməkdədir,Yoldaşının halına bax.Yoldaşın bixəbərdir,Sən təzə cavan, bəri bax!
Zülf tökülüb dal gərdənə,Qabağa tellər yaraşır.Burun püstə, dodaq qaymaq,Yanağa güllər yaraşır.Abdulla sadağadır,Kəsməyə əllər yaraşır.Hazarat, siz də deyin,Gəlibdi qurban, bəri bax!
Kitabxana.az · https://kitabxana.az/works/usta-abdulla-beri-bax
← → düymələri ilə keçid, R — təsadüfi şeir
Müəllifin digər əsərləri
Başqa şairlərin şeirləri
Məhbub odur ki nəqşi gözəl bir nigar ola,Xub-lətif və nazik ola, şivəkar ola
HicranBir solğun çiçəyəm, bir san yarpaq,Candan şikayətkar, canandan iraq.
Yardin kam istəmək eşq əhlinə düşvar imişYardin kam istəmək eşq əhlinə düşvar imiş,Aşiqə məşuqdən məqsud bir didar imiş.
Ənbərin buyu əgər dolmuş o geysulərdəƏnbərin buyu əgər dolmuş o geysulərdə,Belə xoş buy dəxi olmaz o xoşbulərdə.