Gəlmədi
Laçm bərəsində, Kür kənarında,Getdi telli sonam gölə, gəlmədi.İstədim ki, onun tərifin yazam,Sığışıb qələmə, dilə gəlmədi.
Can verdim cananm yolunda durdum,O dağı, düyünü sinəmə vurdum.Bir tərlanm bərəsində tor qurdum,Dedim bəlkə tora gələ, gəlmədi.
Belə gözəl olmaz xüldi-bərində,Ağıllı, kamallı, huşu sərində.Məcnun kimi durdum vədə yerində,Leyli kimi getdi çölə, gəlmədi.
Yenə yada düşdü o səlmi-nazım,Şəninə qafiyə, qəzəllər yazım,Havalı ceyranım, şahım, şahbazım,Qırdı şikar bəndin, ələ gəlmədi.
Dilqəm ayrı düşdü qönçə dəhandan,Ətri-bənövşədən, gülü-reyhandan,Cənnəti-rizvandan, huri-qılmandan,Əfzəl olan bu müşkülə gəlmədi.
Kitabxana.az · https://kitabxana.az/works/yehya-bey-dilqem-gelmedi
← → düymələri ilə keçid, R — təsadüfi şeir
Müəllifin digər əsərləri
Başqa şairlərin şeirləri
Əlminnətü lillah ki, murad oldu müyəssərBəzm içrə mənə uğradı rəna iki dilbər
OğlumDüşmənin düşməndir, sən ki, bilirsən,Dostundan gəl gözlə özünü, oğlum.
Hər kəsdə kəmal olmasa ürfanlığa dairHər kəsdə kəmal olmasa ürfanlığa dair,Nitq edə gərək bisərü samanlığa dair.
Bir bəxşi-xudadır bu məlahət sənə, dilbərBir bəxşi-xudadır bu məlahət sənə, dilbər,Göftarü-bəlağət, bu fəsahət sənə, dilbər,