Vətən bizim qibləmiz,Vətən eşqi şahımız.Unutsaq bu hikməti,Yuyulmaz günahımız.

Qar oldu, ayaz oldu,Gah qış, gah da yaz oldu.Qılınc oldu, saz olduƏn kəskin silahımız.

Getsin duman-çənimiz,Sünbüllənsin dənimiz.İtməsin dünənimiz,Batmasın sabahımız.

Göydədi sönməz işıq,Göydədi yar-yaraşıq.Göylərə bağlanmışıq,Yerdə qalmaz ahımız.

Bir arzunun şamıyıq,Bir sevginin camıyıq.Biz Allah adamıyıq,Eşidər Allahımız.

Gəz, dolan, baxdıqca bax,Nə çox dünyada torpaq.Azərbaycandır ancaq,Andımız, “vallah”ımız!

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Eşq