Azadlıq ver arzulara
Gözü, könlü intizarda,Qəlbi köynəkdə saxlama.Qılınc qında pas atmasın,Sazı köynəkdə saxlama.
Səsin varsa, qaldır zilə,Endirib pəsdə saxlama.Tor-top olar, uça bilməz,Quşu qəfəsdə saxlama.
Dara düşüb, dardan qurtar,İgidi darda saxlama.Burax əldən cilovunu,Fikri cidarda saxlama.
Ürəyini deşə bilər,Sözü ürəkdə saxlama.Gücün çatmır, tulla getsin,Yükü kürəkdə saxlama.
Öp günəşi zərrə-zərrə,Fürsəti Aya saxlama.Bəlkə, heç Ay görünmədi,Vaxtı sonraya saxlama.
Qıfıl, zəncir, buxov, qandal,Parçala, canda saxlama.Azadlıq ver arzulara,Ruhu zindanda saxlama!2001, 3 yanvar
Kitabxana.az · https://kitabxana.az/works/zelimxan-yaqub-azadliq-ver-arzulara
← → düymələri ilə keçid, R — təsadüfi şeir
Müəllifin digər əsərləri
Gec gəlmək yaxşıdı heç gəlməməkdən,Məni yarıtmadın bu vaxta qədər.
Şairlər gəlmişdiŞairlər gəlmişdi bizə bu axşam,Şairlər gəlmişdi, cahan şairlər.
Çarmıx görən təkcə İsa deyil ki...Çarmıx görən təkcə İsa deyil ki,Biri deyil, yüzü dara çəkiblər.
Əsir ölüm küləyiƏsir ölüm küləyi,Budağın gücü çatmır,
Başqa şairlərin şeirləri
Elə mətahların xiridarı mənəm,Sərf olsa hesaba çata bilməzsən.
RübailərSənsiz nəfəsi səbrü qərarım yoxdur,Nəzzarədən özgə intizarım yoxdur.
İmdadQarlı dağlar gənə etdi aradanKərəm ilə qoyma məni dəryada
Qoşa məzarAğstafanın Qıraqkəsəmən kənd qəbiristanlığında anamla dayım yanaşı dəfn edilib.*Bacı-qardaş yanaşıdı,