Mənim xalqım qan-yaş tökdü gözündən,Göz yaşını silməyi də bacardı.Ağlamağı öz yerində ağladı,Vədəsində gülməyi də bacardı.

Ürəkləndi tanrısınnan, dilinnən,Çörəkləndi sümbülünnən, dəninnən,Şəhid verdi, qəzəbinnən, kininnən –Düşmən bağrı dəlməyi də bacardı.

Arzuları toxum olub cücərən,Öz yurdunda əkən, səpən, becərən,Torpaq üstə yaşamağı bacaran,Torpaq üstə ölməyi də bacardı!

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Hikmət və nəsihət