Çəmən sağlığına badə qaldırır,Şehi şərab kimi içir çiçəklər.Könlünü şairə, rəssama verib,Özünə sevgili seçir çiçəklər.

İndi sovqat vaxtı, pay vədəsidi,Çəməndən-çəmənə hay vədəsidi.Ana təbiətin toy vədəsidi,Gəlinlik paltarı biçir çiçəklər.

Hər duyan könüldə bir insaf olar,Hava işıqlanar, su şəffaf olar,Bilir ki, şairin qəlbi saf olar,Bir-bir ürəyimə köçür çiçəklər.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Mey və meyxana