İtki – etiraf
Nisgildi ürəkdə, ağrıdı canda,Bir görün nə qədər vaxt itirmişəm.Özümü tapmışam vaxtı tapanda,Vaxtı itirəndə baxt itirmişəm.
Yaza bilmədiyim anlar, saatlarQarışdı gözümün yaşına, getdi.Eşitsə qələmin ürəyi çatlar,Bu gün də beləcə boşuna getdi.
Nə ay qayıdası, nə il dönəsi,Yuvadan perikən quşdu, qayıtmaz.Günəş batasıdı, ocaq sönəsi,Zaman əllərindən uçdu, qayıtmaz.
Tez yorulur ürək, tez üzülür can,Ay nə qiymətlidi, gün nə bahadı.Heyif ki, vaxtında dərk etmir insan,Sən yağlı tikəsən, vaxt əjdahadı.
Dərd dalğa-dalğadı, qəm şələ-şələ,Vaxtsız saçımıza ələndi dənlər.Zamanın tükü də tərpənmir hələ,Özünü öldürür vaxt öldürənlər.
İtirdim ən şirin arzularımınKölgədə birini, gündə birini.Köçürə bilmədim ağ varaqlaraQəlbimdən keçənin mində birini.
Yüz yerə baş vurdum, min yerə vardım,Top kimi daşlardan daşlara dəydim.Nələr yaradardım, nələr yazardım,Vaxtında vaxtımı itirməsəydim.
2004, 20 fevral Kislovodsk
Kitabxana.az · https://kitabxana.az/works/zelimxan-yaqub-itki-etiraf
← → düymələri ilə keçid, R — təsadüfi şeir
Müəllifin digər əsərləri
Demə sənin nə dərdin var,Dərdli dilim – mənim dərdim.
YaşamışamMənə gənc şair demə, çoxdan ötüb gəncliyim,Heç olmayıb həyatda rahatlığım, dincliyim.
BabalarMən sabaha yollanıb dünənimi sevmişəm,Qorqud olub qopuzla dinənimi sevmişəm.
Kərəm çırağı“Qaçaq Kərəm” romanının*müəllifi Fərman Eyvazlıya*
Başqa şairlərin şeirləri
thumb|Sayat Novanın "Rəhmət pir ustada körpü tikənə" şeiriRəhmət pir ustada, körpü tikənə.
HərdənKimsə bir dost kimi yad edir məni,Hardasa nəğməmi oxuyan olur.
حسن مصرست و رخ چون قمرت میر دروعشق زندان و حصارش که شدم پیر درو
Bu da yahu, keçərQonşulann elmə həvəskar ola,Tibb oxuya, fənnə xəberdar ola,