Dərdim də, qəmim də yetərincədir,Dünyanın azarı nəyimə yetməz.Həyatla bu qədər alver eylədim,Bu boyda bazarı nəyimə yetməz.

Sinəmə o qədər çəkilib ki, dağı,Əridi, qalmadı gözümün yağı.Bu qoca dünyanın beş arşın ağı,Beş qarış bazarı nəyimə yetməz.

Ölümlə həyattək sağım, solum var,Harda olum varsa, orda ölüm var,Qəbir evinədək gedən yolum var,Ömrün bu güzarı nəyimə yetməz.

2011, 9 fevral

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Ölüm