Şair dərdi nə dilbilməz olurmuş,Necə deyim, divar, anla; divar, qan.Bir ömürdə min bir ömür yaşayır,Bacarırsan, di var, anla, di var, qan.

Yaxşı bilər öz içi nə, çəkilər,Fikri Hində, özü Çinə çəkilər,İçi qandı, öz içinə çəkilər,Otaq zülmət, qapı bağlı, divar qan.

Yaman gözdən gül yayına, gül gəzə,Gül əllərdə gül dolana, gül gəzə,Aşıq Abbas yetişsə də Gülgəzə,Şah Abbasdan nələr çəkdi Divarqan.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri