Durna qatarını pozmaqdan ötrüBaşçını vururlar səfindən əvvəl.Tanrı bir dərd verir insan oğluna,Doğranır soğanı kefindən əvvəl.

Sıxır sümüyünü, yeyir ətini,Haqq görür insanın aqibətini.Dəfndən sonradı yolun çətini,Nə varsa yüngüldü dəfndən əvvəl.

İnsan bir quruca bədən olacaq,Bədən qarışqaya vətən olacaq,Görüb-görəcəyi kəfən olacaq,Yazıq nə gördü ki, kəfəndən əvvəl.

2003, 5 fevral

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · İlahi eşq