İçəcək
Qoca dünya çoxun yola salıbdı,Köçən köçüb, köçməyənlər köçəcək.Qafil, içmə bu gün əcəl şərabın,İçən içib, içməyənlər içəcək.
Necoldu var üçün qanlar tökənlər?Əziz canın al qumaşa bükənlər,Unutmasın şərmü-xəta əkənlər,Biçən biçib, biçməyənlər biçəcək.
Yazıq Alı, nə tez düşdün həvəsdən,Sərraf olan seçər qızılı misdən,Arif olan kəslər, yaxşını pisdənSeçən seçib, seçməyənlər seçəcək.
Kitabxana.az · https://kitabxana.az/en/works/asiq-ali-icecek
Use ← → keys to move, R for a random poem
More by this author
Poems by other poets
Bizə həmsöhbət olan özgə kitab almaz ələ,Sən də zahidliyin ol dəftərini tulla selə.
SevdiyimQədəm basdın didələrim üstünə,Sən xoş gəldin, səfa gəldin, sevdiyim.
Yanar canım, oğul, daim sənin nari-fəraqındaYanar canım, oğul, daim sənin nari-fəraqında,Necə pərvanələr hər dəm yanar şemin ayağında.
Sən utanSən utan! Bəllidir riyakarlığın!Fitnədən yoğrulmuş bütün varlığın.