Bilin, bu yerlərdə ədalət yoxdu,Heç bilmirəm, kimə gedim dada mən.Sızıldaşır yaram, təbibim yoxdu,Bayqu kimi eyləyərəm səda mən.

El içində bəxti qara mən oldum,Mansır tək çəkilən dara mən oldum.Dərd əlindən hazar para mən oldum,Səbəb nədi, heç düşmürəm yada mən?

Musanın könlünə düşübdür güman,Pünhan qaldı sözüm, olmadı bəyan.Dadıma çatınca ədalət divan,Tabım yoxdu, alışacam oda mən.

Use ← → keys to move, R for a random poem

Random poem

More by this author

Poems by other poets