"Düşdüyümüz oyuna bax"

Kürsü qalır, oturanlar dəyişir,Gələn deyir, gəlişimlə yaz olub.Bircə ili başa vurub qışqırır:"Dəyişdirdim, əyri dönüb düz olub".

Sən yalanın boyuna bax, ay Allah,Divanına, toyuna bax, ay Allah.Düşdüyümüz oyuna bax, ay Allah,Otuz ilin fahişəsi qız olub.

İpək imiş açılmamış barama?Hər çiçəkdən məlhəm olmaz yarama.Hər dənizdən sən mirvari arama,Yaxşı pisdən, qızıl misdən az olub.

Alqışlara, təriflərə uyma çox,Nüfuzunu dağ başına qoyma çox,"Mən, mən" deyə öz döşünə döymə çoxHansı sərçə ləpirindən iz olub?

Gördüm vaxtın fitnəsini, felini,Ey Bəxtiyar, saxla görək dilini.Sındırıblar həqiqətin belini,İndi dönüb ağızlarda söz olub.

Use ← → keys to move, R for a random poem

Random poem

More by this author

Poems by other poets · Divine love