Qartal
Alim dostum Sadıq Murtuzayevə
İlisu, Beşbulaq, Şamil qalası,O meşə örtüklü zümrüdü dağlar...Xatirə düşəsi, yadda qalasıSaysız lövhələr var, mənzərələr var!..
Əsrlik daşları oyadan selinSaldığı naxışlar qayalardadır.Dağlar qoynundakı o doğma elinGeniş süfrəsində duz da bal dadır.
Palıd elə durub dağın yalında,Elə bil zirvəsi göyə dayaqdır.Sizin bu füsunkar dağ mahalındaGəzib dolaşıram mən də haçaqdır.
Bir duman parçası, bir dağ cığırıUzaq bir aləmə çəkir xəyalı.Hərdən uzaqlarda qartal çığırır,Tutur məğrur səsi eli, mahalı.
Dağların vüqarı artır bu səsdən,Gülür zirvələrin meşə örtüyü.Bu qartal səsidir çünki əzəldənDağın eşitdiyi, dağın gördüyü.
Qovub bir-birini bu yerdə illər,İnsanlar doğulub, dünyadan köçüb.Sənin atan, baban – neçə nəsillərDostum, Beşbulağın suyundan içib.
Deyib nəğməsini qartallar kimi,Uca zirvələrdə məskən salıbdır.Onlar təmiz olub dağda qar kimi,Onlardan yadigar mərdlik qalıbdır.
Bir də ki, qartalın dediyi nəğmə...Onsuz yetim qalar bu dağlar, ay dost.Sən ona adi bir nəğmədir demə,Düzüb bəstəsini bulaqlar, ay dost.
Baban da oxuyub onu, atan da,Sən də oxuyursan qartalsayağı.Sənin də ulduzun bir gün batandaÖtəcək oğlunun qartal dodağı.
Zirvələr şahının özü də bəlkəSizdən öyrənibdir bu qıy vurmağı.Onun uzaqgörən gözü də bəlkəSizdən öyrənibdir məğrur durmağı.
Bəlkə də atanın xəyalıdır o,Göyün sinəsində asılıb qalıb.Bu yerin öz doğma qartalıdır o,Lacivərd mərmərə qazılıb qalıb.
Gəzirəm yenə də sizin mahalı,Göz zirvə axtarır, könül ucalıq.Süzürəm qıy vuran məğrur qartalı,Ömür vəfasızdır, insan qocalır...
...İlisu, Beşbulaq, Şamil qalası,O meşə örtüklü zümrüdü dağlar...Xatirə düşəsi, yadda qalasıSaysız lövhələr var, mənzərələr var!..
Kitabxana.az · https://kitabxana.az/en/works/eliaga-kurcayli-qartal
Use ← → keys to move, R for a random poem
More by this author
Poems by other poets
Təğafül eyləmə, saqi, ki növbahar keçərYetincə bir də mənə dövr, ruzigar keçər
BaramaUstalar, qulaq verin, tərif edim baramanı,İbtida sərtu çıxmırhi dökürəm baramanı,
EdəsənBaşına döndüyüm ədalətli şahGəlmişəm dərdimə dərman edəsən
Baş qoyub dərgahına pabusdən etdi mültəməsBaş qoyub dərgahına pabusdən etdi mültəməs,Bən gədayi gör ki, taci-səltənət qıldım həvəs.