Afərin, ey saneyi-tənpərvəri-canafərin!
What is a qasida?
Qasida: a long, formal poem of praise or counsel.
Afərin, ey saneyi-tənpərvəri-canafərin!Xaliqül-əşya, ilahül-xəlq, rəbbül-aləmin!
Mübdi’i-asari-qüdrət, əqdi-peyvəndi-vücud,Zabiti-ərkani-fitrət, nəqşbəndi-maü tin.
Ey səmumi-sətvətin tə’siri, niyrani-cəhimVey səhabi-rəhmətin siyrabi firdövsi-bərin.
Qüdrətin gülzarına bir səbzə Sidrül-müntəha,Hikmətin şəm’inə bir pərvanə Cibrili-əmin.
Sün’in eyvanında bir qəndil dövri-asiman,Sən’ətin dibaçəsində bir vərəq ruyi-zəmin.
Dərgəhi-tə’zimü təkrimində aləm kamcuy,Xərməni-ehsanü əltafində Adəm xuşəçin.
Ərseyi-idraki-fövzi-rif’ətin darül-əman,Rişteyi-ümmidi-feyzi-rəhmətin həblül-mətin.
Xakdən hər zərrə tə’yidinlə bir cismi-lətif,Abdan hər qətrə tövfiqinlə bir dürri-səmin.
Ol əmimül-feyzi-mün’imsən ki, feyzi-şamilinRizq təqsimində qılmaz imtiyazi-küfrü din.
Vadiyi-dərkindədir sərgəştə fəhmi-tündseyr,Mülki-tövhidindədir məhsur əqli-durbin.
Elmi-irfanında hər kim tizbin olmuş, vəliHiç şək yoxdur kim, ol idrakı həsr etməz yəqin.
İqtizayi-hikmətin izhari-qüdrət qılmağa,İxtilafi-təb’ ilə əzdadi etmiş həmnişin.
Hadisati-ixtilafi-dövrdən görməz xələl,Kimə kim, mə’mureyi-hifzin ola hisni-həsin.
Hiç kim cürm ilə dərgahından olmaz naümid,Səndən istər kam, əgər risva, əgər xəlvətnişin.
Sənsən izhar eyləyən mə’şuqə aşiq şövqünü,Aşiqi sənsən qılan mə’şuqə şövqilə həzin.
Nəş’eyi-eşqinlədir Məcnun sürudi dərdnak,Pərtövi-hüsnünlədir Leyli cəmali nazənin.
Padişaha, iqtiyazi-hikmətin tənbih edib,Gərçi hura rövzeyi-taata qoymuşdur cəbin,
Taətin eylər Füzuli taqət olduqca, vəliHirs ilə nə rövzeyi-rizvan dilər, nə huri-eyn.
Huri-eynü rövzeyi-rizvan həvayi-nəfsdir,Nəfsdən keçmişdir ol, səndən riza istər həmin.
Kitabxana.az · https://kitabxana.az/en/works/fuzuli-aferin-ey-saneyi-tenperveri-canaferin
Use ← → keys to move, R for a random poem
More by this author
Tutuşdu qəm oduna şad gördügün könlüm,Müqəyyəd oldu ol azad gördügün könlüm.
Zövq şövqilə cəhan qeydin çəkən zəhmət çəkərZövq şövqilə cəhan qeydin çəkən zəhmət çəkər,Əhli-zövq oldur kim, ondan daməni-himmət çəkər.
Əzbər olmuşdur dilimdə şanlı namın, ya Əli!Əzbər olmuşdur dilimdə şanlı namın, ya Əli!Mən kiməm, aləmdə bir kəmtər qulamın, ya Əli!
Zəhi, zatın nihanü ol nihandan masiva peydaZəhi, zatın nihanü ol nihandan masiva peyda,Bihari-sün’ünə əmvac peyda, qə’r napeyda.
Poems by other poets
Sahiba, gərçi varam zahirən həzrətdən uzaq,Deyiləm batinən ixlasi-iradətdən uzaq.
Təbrizin qarətiGənə təqdiri-qəzadən belə fərman olduZəlzələ keçdi, vəli ayrıca dövran oldu
Bahar gəlibdirYenə də bahar gəlibdir,Necə bəxtiyar gəlibdir!
QaldımYanaram, yanaram, dilim dönməz,Qərib qərib qürbət ellərdə qaldım