Kölgələnən qızıl dağlar
Kölgələnən qızıl dağlar görünür,Yaşıl ipək pərdələrin ardından.Kimin eşqi yenə məni çıxartmışDaş ürəkli, nazlı yarın yadından?
Kölgələnən qızıl dağlar, boş qalın,Sizdən uzaq diyara o gedibdir.Başqasının əfsununa tutulmuşEşqin danıb, aşiqin tərk edibdir.
Qızıl dağlar kölgələnib sönsə də,Su başında açan güllər solsa da.Onun eşqi sönməyəcək könlümdə,Başqasının məşuqəsi olsa da.
Üfüqlərin nilufəri rəngində,Yenə onun solmaz rəngi görünür.Altunlaşmış sünbüllərin içində,Sanki onun ətəkləri sürünür.
Kitabxana.az · https://kitabxana.az/en/works/hebib-sahir-kolgelenen-qizil-daglar
Use ← → keys to move, R for a random poem
More by this author
Poems by other poets · Love
Sallanıb-sallanıb naz ilən gedən,Yarəb, bilmənəm kimin nazlı yarıdır,
Khosrow and Shirin, chapter 71دگر ره لعبت طاووسپیکرگشاد از دُرج لؤلؤ تَنگ شکر
GörüşBiz ki unutmuşduq ilk məhəbbəti,Ah, bu qəfil görüş kaş olmayaydı.
Apardı könlümü bir xoş qəmərüz canfəza dilbərApardı könlümü bir xoş qəmərüz canfəza dilbər,Nə dilbər? Dilbəri-şahid. Nə şahid? Şahidi-sərvər.