Sonasan, qıymaram gölə,Göldə soyuq dəyər sənə.Gül yanında dönmə gülə,Güldə soyuq dəyər sənə.

Uyma özgə əməlinə,Qoşulma qıza, gəlinə.Düşərsən yaman dilinə,Dildə soyuq dəyər sənə.

Bu nə arzu, bu nə dilək,Alışıram ürək-ürək.Tül bədənə tül nə gərək,Tüldə soyuq dəyər sənə.

Çəkmə darağa telini,Kəmərlə sıxma belini,Əldə saxlama əlini,Əldə soyuq dəyər sənə.

Hüseyn Arif, bu nə sirr?Vədə ötür, vaxt tələsir.Könlümə köç, külək əsirÇöldə soyuq dəyər sənə.

Use ← → keys to move, R for a random poem

Random poem

More by this author

Poems by other poets