Qəmlənmişəm gülüşün bəzən yüksəlməyəndə,Səsin qulaqlarıma bir saat gəlməyəndə.Görünməyəndə bir gün gözlərimə suretin,Demişəm ki, nə oldu, hardadır mərhəmətin?Söyləmişəm etibar, sədaqət, vəfa hanı?Pozma, əhdi-peymanı.Nə gizlədim, olmuşam gileyli, günahkaram,Düzü bu rəftarımçın mən xeyli günahkaram.Sən ki, öz aşiqini salmamısan zindana,Nə üçün yana-yanaSöyləyim ki, nə olar?Yar yolunda aşiqə zindan kaşanə olar.Duymamışam ki, hicrin şirindir vüsalın tək,Qana dönmüşdür ürək.Doğrusu zillətindən, cövründən, möhnətindən,Əzabından, cəfandan, qəmindən, həsrətindənŞikayətlər etmişəm, ey afət, günahkaram,Çəkirəm zaman-zaman xəcalət, günahkaram.Sən məni doğrasan da ney kimi para-paraDeməliyəm parçala, istəsən kəs dübara.Mən belə etməmişəm,Həqiqi sevənlərin yolilə getməmişəm.Bağışla aşiqini, ey canan, günahkaram,Etməmişəm yolunda can qurban, günahkaram...

Use ← → keys to move, R for a random poem

Random poem

More by this author

Poems by other poets · Love