Tezmi gələr
Dayanmışam çəməndə, yolunu gözləyirəm.Sevdiyim qız görəsən tezmi gələr, deyirəm?Ay baxır, tapşırmısan bəlkə nurunu saçsın,Sənsizliyi qovlayıb, mənim könlümü açsın.Darıxıram, bu zaman sərin-sərin meh əsir,Saçlarıma toxunur, o deyəsən tələsirMəni sakit etməyə,İndicə gələr, deyə.Bülbül ötür çəməndə, bəlkə sən göndərmisən?Ruhumu oxşamağa ona mahnı vermisən,Demisən öt budaqda.Ellər ki, heyranındır o dərədə, bu dağda.Bürüyür çiçəklərin ətri bütün çəməni,İstəyirlər, çox güman, bir az unudam səni.Ulduzlar da parlayır bir cüt qara gözün tək,Mənisə cəzb etməyir nə ay, nə meh, nə çiçək,Nə bülbülün ötməsi; yolunu gözləyirəm,Görəsən sevdiyim qız tezmi gələr, deyirəm?..
Kitabxana.az · https://kitabxana.az/en/works/memmed-rahim-tezmi-geler
Use ← → keys to move, R for a random poem
More by this author
Poems by other poets · Nature and spring
Yazıq könlüm, nə sızlarsan, bülbülə tay olmusan,Haçan yardan yarımısan, sevilib bay olmusan.
آهیخت پریر، لاله ز آتش خنجردی نیلوفر، فکند بر آب سپر
Ağca qızSəni gördüm oldu əqlim pərişan,Əridi ürək kimi yağı ağca qız,
Bilməzəm noldu yenə kim, yar sormaz halımıBilməzəm noldu yenə kim, yar sormaz halımı,Daği-dildən göydümü dildar sormaz halımı.