Kür salındı kəməndə
Ey beş il bundan qabaq gördüyüm gülər üzlü,Şirin söhbətli, sözlüMoskvalı rus qızı!Bu dövrana bağladıq biz ki, iqbalımızı.Mən səni beş il qabaq,O zaman ki, bu torpaqYanırdı od içindəGördüm dağdan keçəndə.Onda yoxlayırdınızYerin təbiətiniMühəndis bacımla sən.Qəlbimə surətiniO gün nəqş elədim mən.Xəbər verdikcə dağın durumundan, gilindənDuyduq ağ günlərini sevimli yurdumuzunBir cüt mehriban qızınHəmin bu təhlilindən...Haradasan bu günlər xəbərsizəm, bilmirəm,Deməyirəm ki, sənsiz kədərliyəm, gülmürəm;Nə sən dərdli Əslisən, nə mən Kərəməm bu gün,Nə mən Məcnunam, nə sən qaraca qız – Leylisən,Bizim həyatımızdan çox uzaqdır qəm bu gün;Nə mən səndən narazı, nə də sən gileylisən.Səni gördüyüm gündənXoşladım sənətini;Qəlbimdə bayraq kimiQaldırdım hörmətini...Rus qızı! Başa çatdı aparılan kəşfiyyat.Dağların qucağından deyirlər açdın qanad,Mingəçevirdən köçüb yəqin uzağa getdin,Hara getdinsə yenə doğma torpağa getdin.Bəlkə indi Volqanın,Donun sahilindəsən,Kuybışevdə, bəlkə də sən türkmən elindəsən?
Beş bahar indi var ki,Tamam beş il olar ki,Sıxmamışam əlini.Mingəçevirdə ancaqGörürəm əməlini...A mehriban rus qızı! Kür salındı yatağa,Can verəcək torpağa.Artıq o əcdadımın gördüyü cəllad deyil;İnsanlara yad deyil.Sahili sement, qaya,Alınmışdı ortaya,Kür sakit axıb gedir.Alışıb ürəyimdəİzlər buraxıb gedir.Dayanmışam Boz dağın əzəmətlə yanında,Deyirəm ki, xalqımın fərəhli zamanındaOna ilk şad xəbəri verim şerimlə mən də,Yazım ki, ünvanını bilmədiyim rus qızı,Gözlərin aydın olsun, Kür salındı kəməndə.
Kitabxana.az · https://kitabxana.az/en/works/memmed-rahim-kur-salindi-kemende
Use ← → keys to move, R for a random poem
More by this author
Poems by other poets
Bizim bağda bir cüt sona seyr edirBaşı yaşıl, ayaqları qırmızı
GəlinSaldı ol qönçə dəhanın məni sevdaya gəlin,Necə ki gül yanağı bülbülü qovğaya gəlin,
El gücü – sel gücüDünya bir günəşli ömür sərgisi,Çeşidli dillərdə könül şərqisi,
Yadıma düşdüŞanlı məktubunu oxuyanda mən,Çalmalı dağları yadıma düşdü.