Sevgilinin arzusu
Dünən çıxdıq dağ döşünə qol-qola,Saldım səni cəbhələrə mən yola.Dedim: yurdun bağrı, başı yaradır,Xain düşmən gör bir nələr yaradır,Sən yağını didərgin sal yuvadan,Əskik olmaz ömrün xeyir-duadan.Versən əgər Vətən üçün qolunu,Gözləyərəm intizarla yolunu.Yox, əgər ki, ayağını itirsən,Qoltuğunda əsa həyətə girsənMən qoluna dayaq ollam, sevgilimGecə-gündüz oyaq ollam, sevgilim!İstəmərəm yel də ötsün yanından,Günə, aya həsrət qalsan, o zamanGözlərinin nuru ollam mən sənin.Yaxşı qoru ismətini Vətənin!..
Qorxaqlara namus, qeyrət ar olar,El içində köç-külfəti xar olar.Hər dərdinə tab gətirrəm mən sənin,Ancaq inan yerə girrəm mən, səninDanışmasa ellər əgər şanından;Namərd qorxar bircə qaşıq qanından.Sən Vətənə şan-şöhrətli dönəndə,Qızıl ulduz parlayanda sinəndəYollarına gül səpərəm, sevgilim,Utanmaram mən öpərəm, sevgilim,Onda sənin yol üstündə üzündən,İbrət götür babaların sözündən.Namərd oğul el başına dərd olar,Mərd atadan doğan oğul mərd olar!
Kitabxana.az · https://kitabxana.az/en/works/memmed-rahim-sevgilinin-arzusu
Use ← → keys to move, R for a random poem
More by this author
Bilir yaşıl çəmən, çiskinli dərəMən çoxdan aşiqəm gözəlliklərə.
NubarMən bir quşam, ötən şirin dilim var,Hicran nədir? Yanımda sevgilim var,
Bir gündə, bir saatdaOğlan qıza söylədi: “Tanışıq biz, üç ay var.Bu xam torpaqlarda da yaşayırıq bəxtiyar.
Mənim ağ göyərçinimGöyərçinim sevimli,Göyərçinim dümağdır.