Ürəyim yaman dolubdur,Bülbül ölüb, gül solubdur,Dedilər, Əmrah ölübdürDedim, yalandır, yalandır!

Abdı-müğənnisi elinÖldü, göz yaşımı silin!Səsi gəlsin “qonçəgülün”Könlüm talandır, talandır.

Ölüm şərbətini içdi,İşıq Sıraclıda köçdü,Mən demirəm, dünya heçdi,Saz, söz qalandır, qalandır.

Qəm, xəncərin qalsın qında,Qoy dincəlsin bu çılğın da,Ürək, məni qəm dağındaGəl, az dolandır, dolandır!

Mirvarid, gəl batma qəmə,Ölüm aman vermiş kimə?Vur mizrabı sarı simə,Aşıq, amandır, amandır!

Dünya fani, biz köçəri,Saz, söz qalandır, qalandır!

Use ← → keys to move, R for a random poem

Random poem

More by this author

Poems by other poets · Death