Aşıq Pəri, kağız sənə yetişcək,

Durmuyubsan gərək bura gələsən.

Tavus quşu kimi, ya mürği-tuti,

Gəzəcəksən yəqin əldən-ələ sən.

Lənət gəlsin Fərhadın imanına,

Salıb Şirin kimi səni yanma,

Salacaqsan pamoşnikin canına.

Görəcəksən bişübhə vəlvələ sən.

Pəşminə almazsan soltanı, xanı,

Eyləyirsən şahlar kimi divanı,

Sən Qədirdə olan neyi, surnanı

Görməyibsən, görsən məgər, gələsən.

Use ← → keys to move, R for a random poem

Random poem

More by this author

Poems by other poets