Gözəl və gözəllik
Zaman yola salır gəlib-gedəni,Əsrlər ötüşür yuxular kimi.Söz var, gözəl doğma, ay anam məni,Ay anam gözəl doğ, mənim bəxtimi.N.Xəzri
Günəş kainata nur göndərir ki,Yerdə gözəlliklə o bəhsə dursun.Təbiət gözələ qürur verir ki,Qüruru gözəllər gözəl qorusun!
Gözəllik yaranıb əzəldən əzəl,Gözəllik əzizdir baş taclarından.Qoru qürurunu, a nadir gözəl,Sakın, sən gözəllik hərraclarından.
Qadını qürurla gözəllik bəzər,Bu haqqın sözünü nədimlər dedi:Namus doğuluşdan büllura bənzər,Şüşə qab ya sındı, ya cingildədi!
Dinsin məhəbbətdə kim səmimidir,Kəsilsin, bulaşsa çirkaba əllər.Gözəllik müqəddəs mehrab kimidir,Tanrı, toxunmasın mehraba əllər,O, qaba əllər!
İstəsən dünyadan sədaqət istə,Sədaqət sönməsin yanar şam kimi.Cumar bəd nəzərlər gözəllik üstə,Milçəklər şirəyə daraşan kimi.
Nədir yaxın eldə, uzaq diyardaİsmətə ləkələr düşür qapqara?Dəhşətdir gözəllik yad qucaqlardaDönürsə göyümtül əsginaslara.
Niyə varaq kimi tale çevrilir,Niyə oyuncağa dönür gözəllik?Gözəllik bir dəfə ənam verilir,Fəqət əbədilik sönür gözəllik.
Çəkil, gözəllikdən iyrənc əl, çəkil,Qoru gözəlliyi, Tanrı, amandır!Bəlkə də günahkar, günahkar deyil,Bəlkə də günahkar buna zamandır!
Bəlalar yağış tək yağan dünyada,Yalanlar çevrilib həqiqət olub.Gündə min cinayət doğan dünyada,Bəlkə gözəllik də fəlakət olub?
4-14 mart 1996
Kitabxana.az · https://kitabxana.az/en/works/nebi-xezri-gozel-ve-gozellik
Use ← → keys to move, R for a random poem
More by this author
Poems by other poets
Yaxşı olur qövm ü qardaşEl başına dönim sənin
Qəzəl: Könlümə mehrin ilə, ey mah, mübtəla əksik dəyilKönlümə mehrin ilə, ey mah, mübtəla əksik dəyil,Başıma zülfün ucundan bir bəla əksik dəyil
GörəndəKönlüm tutulur hali-müsəlmanı görəndəBu növ övzai-pərişanı görəndə
Tarixi-Cədidi QarabağMİRZƏ RƏHİM FƏNAMirzə Rəhim Fəna (1841-1929) Azərbaycanın tanınmış şairi və ictimai xadimlərindən biridir. Xan qızı adı ilə məşhur olan Xurşidbanu Natəvanın yanında xidmət etmişdir. 1864-cü ildə Mirzə Rəhim Fənanın təşəbbüsü ilə Şuşada "Məclisi-üns" ədəbi məclisi yaradılmışdır. Sonralar da o, məclisin rəhbərlərindən biri olmuşdur. "Məclisi-üns" haqqında dəyərli xatirələri ikicildlik "Azərbaycan ədəbiyyatı" əsərində əlavə şəklində çap edilmişdir. Şeirlərindən nümunələr inqilabdan əvvəlki dövri mətbuatda: "Təzkireyinəvvab", "Riyazül aşiqeyn" əsərlərində çap olunmuşdur. Tarixə və ədəbiyyata geniş marağı olan Mirzə Rəhim Fənanın "Tarixi-cədidi Qarabağ" əsərindən yalnız bəzi fraqmentlər mühafizə edilmişdir ki, oxuculara təqdim olunur. Əsərin ərəb əlifbasından transliteriyasını Arif Ramazanov etmişdir.