Nə gözəl bir gündür, hava şaxtalı,Günəş də parlayır, sən yuxudasan.Nazlı gözlərini aç, sevimli dost,O şirin yuxudan, gözəlim, oyan.Göydə dan ulduzu parlarkən səhərŞimal ulduzutək hüsnünü göstər.Bulanıq göylərə çökmüşdü zülmət,Gecə ağlayırdı qəzəblə tufan.Görünürdü qara buludlar içrəSolğun kölgə kimi ay da səmadan.Oturmuşdun qəmli fikrə dalaraq,İndi pəncərədən bayıra bir bax.Mavi göy altında uzanıb sakit,Gözəl xalça kimi döşənmiş çöllər.Bir meşə qaralır kənarda yalnız.Parlayır günəşdən qarlar sərasər.Qırovun altında göyərir şamlar,Çayda buz altında bir parıltı var.Kəhrəba rənginə boyanmış otaq.Soba çıtırdayıb nəşəylə yanır.Xoş olur yataqda xəyala dalmaq,İnsanın qəlbində arzu oyanırKirşəyə qoşdurub kəhər atlarıUçaqmı bu qarlı düzlərə sarı...Səhər qarı üstə sürüşərək biz,Gözəl dost, gəl çıxaq, gəzək baş-başa.Çapdırıb boz atı gözəl düzləri,Bu boş düzənlərə edək tamaşa.Gəzək meşələri anıb bu ili,Könlümə xoş olan gözəl sahili.

Use ← → keys to move, R for a random poem

Random poem

More by this author

Poems by other poets